Səudiyyə Ərəbistanı XİN başçısı: "Çinlə əməkdaşlıq ABŞ-ın əleyhinə deyil"
Səudiyyə Ərəbistanı XİN başçısı: "Çinlə əməkdaşlıq ABŞ-ın əleyhinə deyil"
“Çinlə əməkdaşlıq ABŞ-ın əleyhinə deyil”.
Xəbər verilir ki, bunu Səudiyyə Ərəbistanının xarici işlər naziri şahzadə Feysəl bin Fərhan Al Səud Çin-Ərəb Ölkələri Sammitindən sonra mətbuat konfransında deyib.
O bildirib ki, Ər-Riyad rəhbərliyi hər kəslə əməkdaşlığa açıqdır:
“Biz ABŞ və dünyanın digər ölkələri ilə əməkdaşlıq etmək üçün səy göstəririk və qütbləşməyə inanmırıq. Səudiyyə Ərəbistanı-Çin strateji tərəfdaşlığının perspektivi var. Bizim ABŞ, Hindistan, Yaponiya, Fransa və İngiltərə kimi digər ölkələrlə də strateji tərəfdaşlığımız var”.
Nazirin sözlərinə görə, inkişaf üçün Çin ilə əməkdaşlıq vacibdir.
Qeyd edək ki, dünən Səudiyyə Ərəbistanı və Çin hərtərəfli strateji tərəfdaşlıq sazişi imzalayıb.
Azadsoz.com
